368.54
Ֆիցոն ուրբաթ օրը Սլովակիայում կհանդիպի Զելենսկիի հետ
1 րոպեի ընթերցում
Սլովակիայի վարչապետ Ռոբերտ Ֆիցոն սեպտեմբերի 5-ին կհանդիպի Ուկրաինայի նախագահ Վոլոդիմիր Զելենսկիի հետ երկրի արևելքում։ Ինչպես տեղեկացնում է «Արմենպրես»-ը՝ վկայակոչելով BBC-ին, այդ մասին Ֆիցոն հայտարարել է ֆեյսբուքյան տեսաուղերձում։
Մինչ այդ, Չինաստանում Երկրորդ համաշխարհային պատերազմի ավարտը նշող տոնակատարությունների ժամանակ, Ֆիցոն երկկողմ հանդիպումներ կունենա Ռուսաստանի նախագահ Վլադիմիր Պուտինի և Չինաստանի նախագահ Սի Ծինփինի հետ։
Սլովակիայի վարչապետը Չինաստանում անցկացված շքերթին ներկա միակ ԵՄ առաջնորդն է։
Սլովակիան, ինչպեսև Հունգարիան, վերջին շաբաթներին բազմիցս հայտարարել է «Դրուժբա» նավթամուղով ռուսական վառելիքի մատակարարումների խաթարման մասին։ Երկու երկրներն էլ խնդրել են Եվրահանձնաժողովին ապահովել իրենց էներգետիկ անվտանգությունը։
Ֆիցոն այն քիչ ԵՄ առաջնորդներից է, ով Մոսկվա է այցելել լայնածավալ պատերազմի սկսվելուց ի վեր։
Բաժանորդագրվեք մեր ալիքին Telegram-ում