1 րոպեի ընթերցում
Գեղարքունիքի մարզի բուժհիմնարկներում 2025 թվականի օգոստոսին ծնվել է 134 երեխա՝ 76 տղա և 58 աղջիկ։
Ինչպես «Արմենպրես»-ին տեղեկացրին Գեղարքունիքի մարզպետի աշխատակազմի առողջապահության և սոցիալական հարցերի վարչությունից, 63 երեխա լույս աշխարհ է եկել Մարտունու ծննդատանը, 34 երեխա՝ Գավառի, 27 երեխա՝ Սևանի, 10 երեխա՝ Վարդենիսի բժշկական կենտրոններում։ Ճամբարակի առողջության կենտրոնում այս տարվա օգոստոս ամսին ծնունդներ չեն գրանցվել։
2024 թվականի օգոստոսին Գեղարքունիքի մարզի բուժհիմնարկներում ծնվել է 153 երեխա՝ 86 տղա և 67 աղջիկ։