1 րոպեի ընթերցում
Շանհայի համագործակցության կազմակերպության (ՇՀԿ) երկրների տնտեսության ծավալը մոտեցել է 30 տրիլիոն դոլարի, աճում է կազմակերպության տնտեսական ազդեցությունը: Ինչպես «Արմենպրես»-ը տեղեկանում է ՏԱՍՍ գործակալությունից, այդ մասին հայտարարել է Չինաստանի նախագահ Սի Ծինփինը:
«Շանհայի համագործակցության կազմակերպությունն այսօր դարձել է խոշորագույն տարածաշրջանային կազմակերպությունն աշխարհում, որը միավորում է 26 մասնակիցների, որոնք համագործակցում են ավելի քան 50 բնագավառներում՝ միագումար տնտեսական ներուժով, որը մոտենում է 30 տրիլիոն դոլարի», - ասել է նա ՇՀԿ Պետությունների ղեկավարների խորհրդի 25-րդ նիստում:
Ինչպես նշել է Չինաստանի ղեկավարը, չնայած միջազգային ասպարեզում տիրող անկայուն իրադրությանը, ՇՀԿ պետությունները պետք է վճռականորեն առաջնորդվեն «շանհայական ոգով» և շարժվեն առաջ՝ չնայելով «ցնցումներով և վերափոխումներով լի ապագային»:
Շանհայի համագործակցության կազմակերպության գագաթնաժողովը տեղի է ունենում Թիենծինում օգոստոսի 31-ից սեպտեմբերի 1-ը։ Դրան մասնակցում են ավելի քան 20 պետությունների ղեկավարներ, այդ թվում՝ ՀՀ վարչապետ Նիկոլ Փաշինյանը, ինչպես նաև 10 միջազգային կազմակերպությունների ներկայացուցիչներ: