2 րոպեի ընթերցում
Չինաստանի նախագահ Սի Ծինփինը Թիենծինում բացել է Շանհայի համագործակցության կազմակերպության երկրների ղեկավարների նիստը։ «Արմենպրես»-ի փոխանցմամբ՝ այս մասին հաղորդում է Reuters գործակալությունը։
Իր բացման խոսքում Սի Ծինփինը նշել է, որ անդամ երկրները պետք է դիմակայեն Սառը պատերազմի մենթալիտետին և բուլինգի գործելակերպին։ Նա շեշտել է, որ ՇՀԿ-ն դարձել է միջազգային հարաբերությունների նոր տեսակի մոդել՝ ընդգծելով, որ կազմակերպությունը դեմ է արտաքին միջամտությանը։
«Մենք միշտ կանգնած ենք միջազգային արդարության կողքին», - հայտարարել է նա։
Սի Ծինփինի խոսքով՝ Շանհայի համագործակցության կազմակերպությունը պետք է ընդլայնի առևտուրն ու ներդրումները։
Նա հավելել է, որ Չինաստանը կաշխատի ՇՀԿ-ի բոլոր գործընկերների հետ, որպեսզի տարածաշրջանային անվտանգության ֆորումը բարձրացնի նոր մակարդակի։
Նիստի բացումից առաջ Սի Ծինփինը զրուցել է Հնդկաստանի վարչապետ Նարենդրա Մոդիի և ՌԴ նախագահ Վլադիմիր Պուտինի հետ։ Հանդիպումից հետո Մոդին X-ում գրել է, որ «միշտ հաճելի է հանդիպել նախագահ Պուտինին»։
Սեպտեմբերի 31-ին՝ գագաթնաժողովի առաջին օրը, Մոդին յոթ տարվա ընթացքում առաջին անգամ հանդիպել էր Սի Ծինփինի հետ՝ նշելով, որ Հնդկաստանը հանձնառու է բարելավելու հարաբերությունները Չինաստանի հետ։ Սի Ծինփինն իր հերթին հայտարարել էր, որ երկու երկրների հարաբերությունները կարող են կայուն լինել և հեռուն գնալ, եթե Պեկինը և Նյու Դելին միմյանց դիտարկեն որպես գործընկերներ, ոչ թե մրցակիցներ։
Սի Ծինփինը նաև հանդիպել է Պուտինի հետ, կողմերը քննարկել են ռուս-ամերիկյան վերջին շփումները։
Շանհայի համագործակցության կազմակերպության գագաթնաժողովի շրջանակում կայացել է նաև Հայաստանի վարչապետ Նիկոլ Փաշինյանի և Ռուսաստանի նախագահ Վլադիմիր Պուտինի հանդիպումը։