1 րոպեի ընթերցում
ԱՄՆ նախագահ Դոնալդ Թրամփը ստացել է Ռուսաստան այցելելու հրավեր: «Արմենպրես»-ի փոխանցմամբ՝ այդ մասին հայտարարել է Ռուսաստանի արտաքին գործերի նախարար Սերգեյ Լավրովը «Ռոսիա-24» հեռուստաալիքին տված հարցազրույցում:
«Թրամփն ունի Ռուսաստան այցելելու հրավեր», - ասել է նա՝ պատասխանելով այն հարցին՝ արդյոք ԱՄՆ ղեկավարը կարող է ժամանել Մոսկվա մինչև տարեվերջ:
Լավրովը հիշեցրել է, որ Ալյասկայում ՌԴ-ի և ԱՄՆ-ի միջև գագաթնաժողովի ընթացքում կայացած մամուլի ասուլիսում Ռուսաստանի նախագահ Վլադիմիր Պուտինը հաստատել է այդ հրավերը:
«ԱՄՆ նախագահ Դոնալդ Թրամփը, եթե ճիշտ եմ հիշում, ասել է, որ դա շատ հետաքրքիր է: Դա հետաքրքիր կլինի բոլորի համար», - նշել է նախարարը:
Թրամփը և Պուտինն Ալյասկայում հանդիպում են ունեցել օգոստոսի 15-ին։ Պուտինը համատեղ մամուլի ասուլիսում ասել էր, որ հաջորդ հանդիպումը կարող է լինել Մոսկվայում, ինչին ի պատասխան՝ Թրամփը նշել էր, որ դա հետաքրքիր առաջարկ է, և որ այդ դեպքում իրեն շատ կքննադատեին։