366.85
ԱՄԷ նախագահը շնորհավորել է ՀՀ վարչապետին և Ադրբեջանի նախագահին խաղաղության համաձայնագրի հայտարարության առթիվ
1 րոպեի ընթերցում
Արաբական Միացյալ Էմիրությունների նախագահ Մուհամմադ բեն Զայեդ Ալ Նահյանը շնորհավորել է Հայաստանի վարչապետին և Ադրբեջանի նախագահին խաղաղության վաշինգտոնյան եռակողմ հանդիպման արդյունքներով խաղաղության համաձայնագրի հայտարարության կապակցությամբ:
«Արմենպրես»-ի հաղորդմամբ՝ այս մասին Մուհամմադ բեն Զայեդ Ալ Նահյանը գրառում է կատարել X-ի իր միկրոբլոգում:
«Հայաստանի և Ադրբեջանի միջև պատմական խաղաղության համաձայնագրի վերաբերյալ հայտարարության կապակցությամբ իմ անկեղծ շնորհավորանքներն եմ հղում Ադրբեջանի նախագահ Իլհամ Ալիևին, Հայաստանի վարչապետ Նիկոլ Փաշինյանին ու երկու երկրների ժողովուրդներին, և բարձր եմ գնահատում ԱՄՆ նախագահ Դոնալդ Թրամփի կարևոր դերը այս բանակցությունների կազմակերպման գործում։
Իր միջազգային գործընկերների հետ համագործակցելով, ԱՄԷ-ն հանձնառու է շարունակել ամրապնդել երկխոսությունն ու դիվանագիտությունը՝ ծառայելով համաշխարհային խաղաղությանը, կայունությանը և բարօրությանը»,-գրել է նա։
Բաժանորդագրվեք մեր ալիքին Telegram-ում