1 րոպեի ընթերցում
ՀՀ արտաքին գործերի նախարար Արարատ Միրզոյանը Վաշինգտոնում ՀՀ վարչապետի, ԱՄՆ և Ադրբեջանի նախագահների եռակողմ հանդիպմանն ընդառաջ, գրառում է կատարել Ֆեյսբուքում։
«Հայաստանի Հանրապետության համար։ Ներկայի ու ապագայի համար։ Ձե'ր համար, երեխեք»,- «Արմենպրես»-ի հաղորդմամբ՝ գրել է Միրզոյանը։
Նշենք, որ Արարատ Միրզոյանը Ֆեյսբուքի իր էջում գրառում չէր կատարել 2020 թվականից հետո։
Միրզոյանը ՀՀ վարչապետի գլխավորած պատվիրակության կազմում գտնվում է Վաշինգտոնում, որտեղ օգոստոսի 8-ին կկայանա եռակողմ հանդիպում վարչապետ Նիկոլ Փաշինյանի, Ադրբեջանի նախագահ Իլհամ Ալիևի և ԱՄՆ նախագահ Դոնալդ Թրամփի մասնակցությամբ։