1 րոպեի ընթերցում
Չինաստանի մայրաքաղաքում սաստիկ տեղատարափները 30 մարդու կյանք են խլել: «Արմենպրես»-ի փոխանցմամբ՝ այս մասին հաղորդում է Xinhua գործակալությունը։
Եվս 80 000 մարդ տեղահանվել է։
Հուլիսի 28-ի երեկոյան հեղեղումների դեմ պայքարի մունիցիպալ շտաբը Պեկինում հեղեղումների պատճառով ակտիվացրել է արտակարգ իրավիճակների արձագանքման ամենաբարձր մակարդակը։
Ավելի վաղ Չինաստանի նախագահ Սի Ծինփինը կոչ էր արել բոլոր ջանքերը գործադրել հեղեղումների ժամանակ մարդկանց կյանքի և գույքի անվտանգությունն ապահովելու համար։
Սի Ծինփինը հայտարարել էր, որ անհրաժեշտ է անհետ կորածների համակողմանի որոնումներ անցկացնել, ինչպես նաև անհապաղ վերաբնակեցնել հեղեղումների սպառնալիքի տակ գտնվող շրջանների բնակիչներին։
Վերջին օրերին Չինաստանի արևելյան, հյուսիսային և հյուսիսարևելյան տարածաշրջաններում սաստիկ տեղատարափներն առաջացրել են հեղեղումներ, ինչպես նաև բազմաթիվ զոհերի են հանգեցրել են Պեկինում, Հեբեյում, Ջիլինում և Շանդունում։