1 րոպեի ընթերցում
Ռուսաստանը ամեն կերպ աջակցում է Հայաստանի և Ադրբեջանի միջև բանակցություններին։ Ինչպես հաղորդում է «Արմենպրես»-ը՝ վկայակոչելով «ՌԻԱ Նովոստի»-ն, այս մասին լրագրողների հետ զրույցում ասել է Ռուսաստանի նախագահի մամուլի քարտուղար Դմիտրի Պեսկովը։
«Մենք ամեն կերպ աջակցում ենք Ադրբեջանի և Հայաստանի միջև բանակցություններին։ Եվ մենք ցանկանում ենք, որ թե՛ Բաքուն, թե՛ Երևանը հնարավորինս շուտ հասնեն պայմանագրի ստորագրմանը։ Միևնույն ժամանակ մենք պատրաստ կլինենք անհրաժեշտության պարագայում ցանկացած աջակցություն ցուցաբերել այս հարցում»,- ասել է Պեսկովը։
Անդրադառնալով լրագրողի՝ այսպես կոչված «Զանգեզուրի միջանցքի» շուրջ հարցին՝ ՌԴ նախագահի մամուլի քարտուղարը նշել է, որ դա Հայաստանի և Ադրբեջանի սուվերեն գործն է։