1 րոպեի ընթերցում
Ռուսաստանի և Իրանի արտաքին գործերի նախարարներ Սերգեյ Լավրովը և Աբբաս Արաղչին Թիենծինում անցկացվող Շանհայի համագործակցության կազմակերպության արտաքին գործերի նախարարների խորհրդի նիստի շրջանակներում հանդիպման ժամանակ քննարկել են տարածաշրջանային և միջազգային օրակարգի փոխադարձ հետաքրքրություն ներկայացնող տարբեր հարցեր։
«Արմենպրես»-ի փոխանցմամբ՝ այս մասին հաղորդագրություն է տարածել Ռուսաստանի արտաքին գործերի նախարարությունը։
«Կրկին ընդգծվել է Իրանի միջուկային ծրագրի շուրջ ճգնաժամը բացառապես քաղաքական և դիվանագիտական միջոցներով կարգավորելու կարևորությունը՝ միջազգային իրավունքի նորմերին համապատասխան», - նշված է հաղորդագրության մեջ։
Նախարարները համաձայնության են եկել տարբեր մակարդակներում առաջիկա շփումների վերաբերյալ։