1 րոպեի ընթերցում
AP Photo
ԱՄՆ նախագահ Դոնալդ Թրամփը հայտարարել է Իրանի հետ հաջորդ շաբաթ բանակցելու մասին՝ ընդգծելով, որ միջուկային հարցի վերաբերյալ համաձայնագրի կնքումն այդ հանդիպման միակ ցանկալի արդյունքը չէ։ «Արմենպրես»-ի հաղորդմամբ՝ այս մասին նա հայտարարել է հունիսի 25-ին Հաագայում կայացած ՆԱՏՕ-ի գագաթնաժողովին հաջորդած մամուլի ասուլիսում։
«Հաջորդ շաբաթ կմեկնենք նրանց հետ զրուցելու։ Հնարավոր է՝ համաձայնագիր կնքենք»,- Интерфакс-ի փոխանցմամբ՝ հայտարարել է Թրամփը՝ ձեռնպահ մնալով հստակ օր նշելուց։
Ընդ որում, ԱՄՆ նախագահն ընդունելի է համարել խորհրդակցություններից հետո համաձայնագրի բացակայության տարբերակը։
«Ինձ համար միևնույն է՝ կլինի համաձայնագիր, թե ոչ։ Ամեն դեպքում ոչնչացրել ենք նրանց միջուկային ծրագիրը»,- ասել է նա։