1 րոպեի ընթերցում
Հայաստանի էկոնոմիկայի նախարար Գևորգ Պապոյանն արձանագրում է, որ այս պահին Հայաստանից ծիրանի արտահանման հետ կապված խնդիրներ չկան։
«Արմենպրես»-ի փոխանցմամբ՝ այս մասին Գևորգ Պապոյանը գրել է «Ֆեյսբուք»-ի իր էջում։
«Միայն երեկ Հայաստանից ծիրանով բեռնված 96 բեռնատար մտել է ՌԴ։
Ընդհանուր առմամբ հունիսի 1-ից մինչև 24-ը մեր ծիրանով բեռնված 598 մեքենա հատել է ՌԴ մաքսային սահմանը։
Այսպիսով արձանագրում եմ, որ այս պահին ծիրանի արտահանման հետ կապված խնդիրներ չունենք»,- գրել է Պապոյանը։