365.93
Հայաստանը Եվրամիության հետ հարաբերություններն ամրապնդելու հավակնություններ ունի. Արմեն Գրիգորյան
1 րոպեի ընթերցում
Հայաստանի անվտանգության խորհրդի քարտուղարը դրական է գնահատում Եվրոպայի խորհրդի գլխավոր քարտուղար Ալեն Բերսեի՝ Երևան կատարած այցը, շեշտելով, որ այն միայն դրական ազդեցություն է ունեցել Հայաստան-Եվրամիություն հարաբերությունների ընդլայնման վրա։
«Բնականաբար, դրական եմ գնահատում այդ այցը։ Գիտեք, որ Հայաստան-Եվրամիություն հարաբերությունները երբեք այսքան ամուր չեն եղել, մենք այդ հարաբերություններն ամրապնդելու հավակնություններ ունենք, ցանկանում ենք ներառել նոր ոլորտներ և աշխատել մեր հարաբերությունների զարգացման վրա»,- «Արմենպրես»-ի թղթակցի հարցին ի պատասխան ճեպազրույցի ընթացքում նշել է ԱԽ քարտուղարը:
Արմեն Գրիգորյանի դիտարկմամբ՝ ակնհայտ է, որ ԵԽ գլխավոր քարտուղարի՝ Հայաստան կատարած այցը Երևանի ու Բրյուսելի միջև հարաբերությունների խորացման ու ընդլայնման առումով դրական ազդեցություն է ունեցել։
Եվրոպայի խորհրդի գլխավոր քարտուղար Ալեն Բերսեն պաշտոնական այցով Հայաստանում է գտնվել հունիսի 11-12-ը։ Այդ ընթացքում նա հանդիպումներ է ունեցել Հայաստանի նախագահ Վահագն Խաչատուրյանի, վարչապետ Նիկոլ Փաշինյանի, Ազգային ժողովի նախագահ Ալեն Սիմոնյանի և արդարադատության նախարար Սրբուհի Գալյանի հետ։
Բաժանորդագրվեք մեր ալիքին Telegram-ում