2 րոպեի ընթերցում
Ճամբարակում շենքերից մեկի բնակարանում տեղի ունեցած պայթյունի հետևանքով զոհերի թիվը հասել է երեքի: «Արմենպրես»-ի փոխանցմամբ՝ այս մասին հայտնում են ՀՀ Փրկարար ծառայությունից՝ ներկայացնելով դեպքից նոր մանրամասներ:
«Ըստ նախնական տվյալների՝ Ճամբարակի Տիգրան Մեծ փողոցի շենքերից մեկում տեղի է ունեցել գազի պայթյուն՝ փլուզումով․ շենքի երրորդ հարկի բնակարաններից մեկում․ փլուզվել են 4-րդ, 3-րդ և 2-րդ հարկի բնակարանները։ Մասամբ փլուզվել են կից մուտքի բնակարաններ։
Զոհերի թիվը հասել է երեքի․ հրշեջ-փրկարարները որոնողափրկարարական շարունակվող աշխատանքների արդյունքում փլատակներից հայտնաբերել են շենքի բնակիչներից ևս մեկի դին»,- նշված է Փրկարար ծառայության տարածած հաղորդագրության մեջ:
Ավելի վաղ Փրկարար ծառայությունից հայտնել էին, որ հունիսի 11-ին առավոտյան Ճամբարակ քաղաքի Գարեգին Նժդեհի փողոցի շենքերից մեկի բնակարաններից մեկում տեղի է ունեցել գազի պայթյուն․ կան տուժածներ և մեկ զոհ: Առողջապահության նախարարությունից հայտնել էին, որ տեղի բժշկական կենտրոնում հոսպիտալացվել է 9 տուժած: