Մեկնարկեց երևանյան միջազգային բալետային փառատոնը

Երևանյան միջազգային բալետային փառատոնի մեկնարկը տրվեց Մոսկվայի «Մեծ» թատրոնի հռչակավոր «Ժիզել» ներկայացմամբ։

Ինչպես «Արմենպրես»-ը տեղեկանում է Երևանի քաղաքապետարանից, մայրաքաղաքի հանդիսատեսն արդեն 3-րդ տարին է, ինչ բացօթյա ձևաչափով մասնակից է դառնում մշակութային այս բացառիկ իրադարձությանը։

Քաղաքապետարանից տեղեկացնում են նաև, որ հունիսի 7-ին, 9-ին, 10-ին և 13-ին դեռ սպասվում են բալետային նոր ներկայացումներ։ «Այնպես որ, Թումանյանի անվան զբոսայգում ժամը 20։00-ին կարող եք ներկա գտնվել աննախադեպ այս միջոցառմանը` վայելելով բարձրաճաշակ արվեստի շունչը»,-ավելացնում են Երևանի քաղաքապետարանից։