368.52
Հայաստանը գտնվում է բազմակողմ հարաբերությունների խաչմերուկում, ուստի կարևորում է արտաքին քաղաքականության դիվերսիֆիկացիան․ ԱԳ փոխնախարար
2 րոպեի ընթերցում
Աշխարհն այսօր ապրում է միջազգային հարաբերությունների նոր համակարգում, հին համակարգը չի գործում նույն արդյունավետությամբ, իսկ պատճառն այն է, որ զարգացող երկրները գլոբալ փոխգործակցության համատեքստում որոշումներ կայացնելիս՝ ավելի շատ աջակցության կարիք ունեն։
«Արմենպրես»-ի հաղորդմամբ՝ այդ տեսակետը «Երևանյան երկխոսություն-2025» համաժողովում արտահայտեց ՀՀ ԱԳ փոխնախարար Մնացական Սաֆարյանը։
«Աշխարհը կարիք ունի, որպեսզի միջազգային հարաբերություններն ադապտացվեն նոր պայմաններին և իրողություններին։ Եթե երկարաժամկետ կտրվածքով բազմաբևեռ աշխարհն էֆեկտիվ է, ուրեմն միջազգային հարաբերություններն էլ դառնում են բազմավեկտոր։ Տվյալ համակարգի էֆեկտիվությունը կախված է այն հանգամանքից, թե որքան օգուտներ է այն բերում հասարակություններին։ Որքան շատ երկրներ ընդգրկի այդ համակարգը, այնքան կլինի բազմազան ու բազմավեկտոր։ Ինչ վերաբերում է միջազգային հարաբերություններին առնչվող մեխանիզմներին, ապա կարծում եմ, որ նոր տարբերակներն ակնառու են, բայց նախկին ձևաչափերը, ինչպիսիք են գագաթաժողովները, բազմակողմ պայմանավորվածությունները, շարունակում են հանրային օգուտներ բերել՝ դարձնելով հարաբերություններն ավելի արդյունավետ»,- ասաց Սաֆարյանը։
Նրա կարծիքով՝ Հայաստանը գտնվում է բազմակողմ շահերի և գործող տարբեր խմբերի հետաքրքրությունների խաչմերուկում, հետևաբար կարևորում է արտաքին քաղաքականության դիվերսիֆիկացիան և հավասարակշռությունը։
«Հաշվի առնելով միջազգային հարաբերություններում առկա իրավիճակն ու նոր իրողությունները՝ մենք նախընտրում ենք բազմաբևեռ աշխարհը»,- ասաց ՀՀ ԱԳ փոխնախարարը։
Բաժանորդագրվեք մեր ալիքին Telegram-ում