Նախարարն ու Արարատի մարզի պաշտոնյաները կհանդիպեն անձրևի և կարկուտի հետևանքով տուժած բնակիչների հետ

ՀՀ Էկոնոմիկայի նախարար Գևորգ Պապոյանը, Արարատի մարզպետ Սեդրակ Թևոնյանը, Արտաշատ համայնքի ղեկավար Կառլեն Մկրտչյանը և մարզի ոլորտային պատասխանատուները մայիսի 9–ին կլինեն համայնքի մի շարք բնակավայրերում, կհանդիպեն մայիսի 5-ին տեղացած անձրևի ու կարկուտի հետևանքով տուժած բնակիչների հետ` տեղերում հասկանալու և քննարկելու առաջացած խնդիրները։ 

«Արմենպրես»–ի փոխանցմամբ՝  Արտաշատի համայնքապետարանը ներկայացրել է  այցերի ժամանակացույցը:

Քաղցրաշեն բնակավայր` ժամը 10:00

Մրգանուշ բնակավայր` ժամը 10:40

Աբովյան բնակավայր` ժամը 11:20

Ջրաշեն բնակավայր` ժամը 12:00