Լավրովը հայտնել է, որ ՌԴ-ն պատրաստ է Ուկրաինայի հարցով համաձայնության՝ որոշ տարրերի «ճշգրտումից» հետո

2 րոպեի ընթերցում

Ռուսաստանի արտաքին գործերի նախարար Սերգեյ Լավրովը հայտարարել է, որ Մոսկվան պատրաստ է Ուկրաինայի հարցով խաղաղության համաձայնագիր կնքել, բայց ցանկանում է «ճշգրտել» այդ համաձայնագրի որոշ մանրամասներ։ «Արմենպրես»-ի փոխանցմամբ՝ այս մասին Լավրովն ասել է ամերիկյան CBS հեռուստաընկերությանը տված հարցազրույցում։

«Միացյալ Նահանգների նախագահը կարծում է, և ըստ իս՝ իրավացիորեն է կարծում, որ մենք շարժվում ենք ճիշտ ուղղությամբ։ Նախագահի հայտարարության մեջ հիշատակվում էր համաձայնության մասին, և մենք պատրաստ ենք համաձայնության գալ, բայց դեռևս կան որոշակի կետեր, այս համաձայնագրի տարրեր, որոնք պետք է ճշգրտվեն, և մենք զբաղված ենք այս գործընթացով», - ասել է Լավրովը Face the Nation հաղորդմանը տեսակապով տված հարցազրույցում։

Լավրովը չի նշել, թե որոնք են այդ «տարրերը»։

ՌԴ ԱԳ նախարարը նաև ԱՄՆ նախագահ Դոնալդ Թրամփին անվանել է «Երկրի վրա միակ առաջնորդը», որը, ինչպես և Մոսկվան, կարծում է, որ պատերազմի պատճառը Ուկրաինայի մերձեցումն է ՆԱՏՕ-ի հետ։

«Մենք շարունակում ենք շփումներն ամերիկյան կողմի հետ Ուկրաինայում ստեղծված իրավիճակի վերաբերյալ։ Կան մի քանի նշաններ, որ մենք շարժվում ենք ճիշտ ուղղությամբ նախևառաջ, որովհետև նախագահ Թրամփը, թերևս, Երկրի վրա միակ առաջնորդն է, որը գիտակցում է այս իրավիճակի արմատական ​​պատճառները հասցեագրելու  անհրաժեշտությունը, երբ նա ասաց, որ Ուկրաինային ՆԱՏՕ ներքաշելը մեծ սխալ էր, և դա (խմբ.՝ ԱՄՆ նախկին նախագահ) Բայդենի վարչակազմի սխալն էր, և նա ցանկանում է այն շտկել», - ասել է Լավրովը։

Հայերեն English Русский

Հանրապետությունում սպասվում են անձրևներ

Լուլա դա Սիլվան Չինաստանի և Ֆրանսիայի իշխանությունների հետ կքննարկի Ուկրաինայի հարցը

Չիտայի օդանավակայանում հրդեհի պատճառով սահմանափակումներ են մտցվել

London Times-ի՝ Հայաստանի վերաբերյալ հոդվածում հղում է արվում կեղծ լուրերի հրապարակմամբ հայտնի հիմնադրամին

Հնդկաստանը հայտարարել է Պակիստանում ահաբեկիչների պատրաստման վայրերին հարվածներ հասցնելու մասին

Ահազանգ է ստացվել՝ Երևանում ժայռոտ հատվածում ընկած քաղաքացի կա. օգնության են հասել փրկարարները

Երևանը հերքել է ադրբեջանական դիրքերի ուղղությամբ կրակելու Բաքվի մեղադրանքները

Ֆրանսիայի նախագահը, Գերմանիայի կանցլերը, Մեծ Բրիտանիայի և Լեհաստանի վարչապետները ժամանել են Կիև

Վերահրատարակվել է Ստեփանակերտի պետական դրամատիկական թատրոնի պատմագրությունը ներկայացնող գիրքը

Իրանի արտգործնախարարը մեկնել է Սաուդյան Արաբիա