Թրամփը հայտարարել է, որ ՌԴ-ի հետ փոխըմբռնման է հասել ռուս-ուկրաինական հակամարտության կարգավորման հարցում
1 րոպեի ընթերցում
ԱՄՆ նախագահ Դոնալդ Թրամփը հայտարարել է, որ Մոսկվայի հետ փոխըմբռնման է հասել ռուս-ուկրաինական հակամարտության կարգավորման հարցում և այժմ նպատակադրված է նույն արդյունքին հասնել Կիևի հետ։ «Արմենպրես»-ի փոխանցմամբ՝ այս մասին նա հայտնել է Օվալաձև աշխատասենյակում լրագրողների հետ զրույցում, որի տեսանյութը տարածել է Forbes Breaking News-ը:
«Կարծում եմ, որ Ռուսաստանը պատրաստ է…. Կարծում եմ, որ մենք Ռուսաստանի հետ համաձայնություն ունենք: Այժմ համաձայնություն է անհրաժեշտ (խմբ.՝ Ուկրաինայի նախագահ Վոլոդիմիր) Զելենսկիի հետ: Ինձ թվում էր, թե Զելենսկիի հետ ավելի հեշտ կլինի գործ ունենալ, սակայն առայժմ դա ավելի բարդ է եղել, բայց ամեն ինչ կարգին է», - ասել է ԱՄՆ նախագահը:
Թրամփը նաև հայտարարել է, որ չգիտի՝ արդյոք Ուկրաինայի նախագահ Վոլոդիմիր Զելենսկիի հետ հանդիպում կունենա ապրիլի 26-ին Հռոմի Ֆրանցիսկոս պապի հուղարկավորությանը Վատիկան կատարվելիք այցի ժամանակ։