1 րոպեի ընթերցում
2025 թվականի մարտի 31-ի դրությամբ Սևանա լիճը ծովի մակերևույթից գտնվել է 1900 մետր 40 սանտիմետր բարձրության վրա՝ նախորդ տարվա նույն օրը գրանցված նիշը գերազանցելով 17 սանտիմետրով։
Ինչպես «Արմենպրես»-ը տեղեկացավ ՀՀ ՇՄՆ «Հիդրոօդերևութաբանության և մոնիտորինգի կենտրոն» ՊՈԱԿ տեղեկագրից, 2025 թվականի առաջին եռամսյակի ընթացքում Արփա-Սևան թունելային ջրատարով, ներառյալ ստորերկրյա հոսքը, Սևանա լիճ է տեղափոխվել 5 միլիոն 434 հազար խմ ջուր։
Սևանա լիճ թափվող գետերում դիտվել է ջրի ելքերի փոփոխական ռեժիմ։