Փաշինյանն ընդունել է Հայրենական մեծ պատերազմում հաղթանակի 80-ամյակի միջոցառումներին մասնակցելու՝ Պուտինի հրավերը
1 րոպեի ընթերցում
Հայաստանի վարչապետ Նիկոլ Փաշինյանը կմասնակցի մայիսի 9-ին Մոսկվայում կայանալիք հանդիսավոր միջոցառումներին՝ նվիրված Հայրենական մեծ պատերազմում տարած հաղթանակի 80-ամյակին։
«Արմենպրես»-ի փոխանցմամբ՝ այս մասին հայտնում է Կրեմլի պաշտոնական կայքը՝ ներկայացնելով ՀՀ վարչապետի և ՌԴ նախագահի հեռախոսազրույցի մանրամասները։
«Հայաստանի վարչապետը հաստատել է, որ ընդունում է Ռուսաստանի նախագահի հրավերը՝ մասնակցելու Մոսկվայում մայիսի 9-ին նախատեսված հանդիսավոր միջոցառումներին՝ նվիրված Հայրենական մեծ պատերազմում տարած հաղթանակի 80-ամյակին»,- ասված է հաղորդագրության մեջ։