1 րոպեի ընթերցում
Սևան քաղաքի Ն. Դագարյանի անվան մանկապատանեկան մարզադպրոցի մարզիչ Էդգար Ղարիբյանի սաները 2025 թվականի փետրվարի 26-ից մարտի 2-ը Ռուսաստանի Դաշնության Նիժնի Նովգորոդի մարզի Կստովո քաղաքում տեղի ունեցած Եվրասիայի առաջնության խաղերում գրանցել են ակնառու հաջողություններ։ Մարզիկները հանդես են եկել Հայաստանի քիքբոքսինգի հավաքականի կազմում՝ ֆեդերացիայի նախագահ Բաղդասար Միրզիկյանի գլխավորությամբ:
Ինչպես «Արմենպրես»-ին տեղեկացրին Սևանի համայնքապետարանի աշխատակազմից, Հայաստանի հավաքականի կազմում Ռազմիկ Շուշանյանը դարձել է Եվրասիայի չեմպիոն՝ գալա եզրափակչում հաղթելով Ղրիմի մարզիկին, նվաճել է չեմպիոնական գոտին: Ալբերտ Գրիգորյանը դարձել է փոխչեմպիոն՝ կիսաեզրափակչում հաղթելով Նիժնի Նովգորոդի մարզիկին: Հովսեփ Ղարիբյանը ևս դարձել է փոխչեմպիոն:
Լևոն Խաչատրյանը ցուցադրել է տպավորիչ մենամարտ և դարձել մրցաշարի բրոնզե մեդալակիր:
