ՆԱՏՕ-ին Ուկրաինայի չանդամակցելու շուրջ պետք է «երկաթբետոնե» համաձայնություն լինի. Լավրով
1 րոպեի ընթերցում
ՆԱՏՕ-ին Ուկրաինայի չանդամակցելու շուրջ հստակ և երկաթբեոնե համաձայնություն պետք է լինի, Ռուսաստանը ողջունում է, որ ԱՄՆ նախագահ Դոնալդ Թրամփը Կիևին դաշինք ներքաշելու գիծը սխալ է անվանել։
«Արմենպրես»-ի փոխանցմամբ՝ այս մասին հայտարարել է Ռուսաստանի արտաքին գործերի նախարար Սերգեյ Լավրովն Անկարայում Թուրքիայի արտգործնախարար Հաքան Ֆիդանի հետ բանակցությունների արդյունքներին նվիրված մամուլի ասուլիսում։
«Պարտադիր է Ուկրաինայի կատեգորիկ չանդամակցումը ՆԱՏՕ-ին: Այդ մասին պետք է լինի հստակ և երկաթբետոնե համաձայնություն։ Էր Ռիադում ամերիկացի գործընկերների հետ հանդիպմանը ողջունեցինք այն փաստը, որ (ԱՄՆ) նախագահ Թրամփը հրապարակայնորեն և բազմիցս սխալ է անվանել Ուկրաինային ՆԱՏՕ ներքաշելու գիծը, ասել է, որ եթե ինքը լիներ նախագահ, երբեք թույլ չէր տա, որ այդ գիծը գերակշռի, և նրա խոսքով՝ դրանով իսկ ճգնաժամ չէր լինի», - Լավրովի խոսքերն է մեջբերում ՏԱՍՍ-ը: