Պարեկային ծառայության պետը Կապանում խորհրդակցություն է անցկացրել Սյունիքի մարզի գումարտակի ծառայողների հետ

Պարեկային ծառայության պետ Արթուր Խուդինյանը Կապան քաղաքում աշխատանքային խորհրդակցություն է անցկացրել Սյունիքի մարզի գումարտակի ծառայողների հետ։

Ինչպես «Արմենպրես»-ը տեղեկանում է ՀՀ ՆԳՆ-ի տարածած հաղորդագրությունից, Արթուր Խուդինյանն անդրադարձել է գրանցված արդյունքներին, բացթողումների վերացման ուղղությամբ տվել հանձնարարականներ։

Քննարկվել են ծառայության կազմակերպման ու անցկացման, կատարողական կարգապահության, քաղաքացիների հետ գրագետ հաղորդակցության և մի շարք այլ հարցեր։