1 րոպեի ընթերցում
Google Maps քարտեզային ծառայությունը կատարում է փոփոխություն «Մեքսիկական ծոց» անվանման մեջ՝ այն վերանվանելով «Ամերիկյան ծոց»՝ ԱՄՆ օգտատերերի համար։ Ինչպես տեղեկացնում է «Արմենպրես»-ը, վկայակոչելով Reuters-ը, Մեքսիկայում անունը կմնա անփոփոխ՝ «Մեքսիկական ծոց», իսկ մյուս երկրներում օգտվողները կտեսնեն երկու տարբերակները։
ԱՄՆ ներքին գործերի նախարարությունը հայտարարել է, որ փոփոխությունը կատարվել է ԱՄՆ նախագահի հրահանգով։
Նշվում է, որ այս քայլը միտված է ամրապնդելու Ամերիկայի տեսլականը։ Հատկանշական է, որ սա միակ վերանվանումը չէ։ Հյուսիսային Ամերիկայի ամենաբարձր գագաթը՝ Ալյասկայի Դենալի լեռը, որը նախկինում հայտնի էր որպես Մակքինլի, կվերականգնի իր հին անունը՝ «Մակ-Քինլի»։