398.84
Պեկինում վստահեցրել են, որ ԱՀԿ-ից Վաշինգտոնի դուրս գալուց հետո կշարունակեն աջակցությունը կազմակերպությանը
1 րոպեի ընթերցում
Չինական կողմը կշարունակի աջակցել Առողջապահության համաշխարհային կազմակերպության (ԱՀԿ) գործունեությանը: Ինչպես «Արմենպրես»-ը տեղեկանում է «Ինտերֆաքս» գործակալությունից, այդ մասին հունվարի 21-ին հայտնել են ՉԺՀ արտգործնախարարությունում ԱՄՆ նախագահ Դոնալդ Թրամփի՝ կազմակերպությունից դուրս գալու վերաբերյալ որոշումից հետո։
«Չինաստանը, ինչպես միշտ արել է, կաջակցի ԱՀԿ-ին նրա առաքելություններում», - ասել է Չինաստանի ԱԳՆ ներկայացուցիչ Գո Ցզյակունը։
Նա նշել է, որ դա անհրաժեշտ է «ամբողջ մարդկության առողջության» համար։
«ԱՀԿ-ի դերը պետք է ուժեղացնել, այլ ոչ թե թուլացնել», - հավելել է պաշտոնյան։
Ավելի վաղ Թրամփը հրամանագիր է ստորագրել Առողջապահության համաշխարհային կազմակերպությունից դուրս գալու մասին։ Նրա կարծիքով՝ ԱՄՆ-ն կազմակերպությանը չափազանց մեծ գումար է վճարում մյուսների համեմատությամբ։
Բաժանորդագրվեք մեր ալիքին Telegram-ում