Պուտինի և Թրամփի հանդիպման շուրջ առարկայական նախապատրաստական աշխատանքներ չեն տարվում. Պեսկով
1 րոպեի ընթերցում
ԵՐԵՎԱՆ, 13 ՀՈՒՆՎԱՐԻ, ԱՐՄԵՆՊՐԵՍ: Ռուսաստանի նախագահ Վլադիմիր Պուտինի և ԱՄՆ նորընտիր նախագահ Դոնալդ Թրամփի հնարավոր հանդիպման վայրի մասին դեռևս վաղ է խոսել, քանի որ այս իրադարձության համար որևէ առարկայական նախապատրաստություն չի իրականացվում։ «Արմենպրես»- ի փոխանցմամբ՝ այս մասին հայտնել է ՌԴ նախագահի մամուլի քարտուղար Դմիտրի Պեսկովը։
«Շատ երկրներ առաջարկում են իրենց ծառայությունները՝ որպես վայրեր, որտեղ նրանք տեսականորեն կարող են շփումներ ունենալ, բայց դեռ վաղ է այդ մասին խոսելը, դեռ առարկայական նախապատրաստություն չկա», - Պեսկովի խոսքերն է մեջբերում «Ինտերֆաքս» գործակալությունը։
Այսպես է Պեսկովը մեկնաբանել տարբեր երկրների, մասնավորապես՝ Սերբիայի և Շվեյցարիայի առաջարկները Պուտինի և Թրամփի հանդիպման վայր տրամադրելու մասին։
Կրեմլի խոսնակի խոսքով՝ ներկայումս «կա հայտարարված ըմբռնում և քաղաքական կամք, որ նման շփումները շատ անհրաժեշտ և տեղին կլինեն»։