Գեղարքունիքի մարզի կրթական համակարգում 2024 թվականին մրցույթներում հաղթել և աշխատանքի է նշանակվել 154 ուսուցիչ
2 րոպեի ընթերցում
ԳԱՎԱՌ, 7 ՀՈՒՆՎԱՐԻ, ԱՐՄԵՆՊՐԵՍ։ Գեղարքունիքի մարզի կրթական համակարգում 2024 թվականին մրցույթներում հաղթել և աշխատանքի է նշանակվել 154 ուսուցիչ, 4 դպրոցի տնօրեն, 6 դպրոցի վարչատնտեսական մասի համակարգող։
Ինչպես «Արմենպրես»-ին տեղեկացրեց Գեղարքունիքի մարզպետի աշխատակազմի ԿՄՍ վարչության պետ Կարեն Զազյանը, 2024 թվականին հայտարարվել է 31 դպրոցի տնօրենի թափուր տեղի համար մրցույթ, որից հաղթող են ճանաչվել 4-ում՝ Մարտունու N 1, N 2 հիմնական, Այգուտի և Վահանի միջնակարգ դպրոցներում, իսկ վարչատնտեսական մասի համակարգողներ են նշանակվել Գանձակի թիվ 2, Սևանի 4, Լուսակունքի, Զովաբերի, Կարմիրգյուղի թիվ 1, Լիճքի հիմնական դպրոցներում: Ուսուցիչների թափուր տեղի համար հայտարարված մրցույթներում հաղթող է ճանաչվել և աշխատանքի ընդունվել 154 մանկավարժ, որոնցից 22-ը Լեռնային Ղարաբաղից բռնի տեղահանված ուսուցիչներ են:
2024 թվականի ընթացքում մարզային ենթակայութան հանրակրթական դպրոցների ԲՏՃՄ առարկաներ դասավանդող 810 և մինչև 100 աշակերտ ունեցող դպրոցների 315 ուսուցիչ ստացել է հավելավճարներ, որի արդյունքում 18 դպրոցի 23 ուսուցիչ ամսական ստացել է 400000 դրամ և ավելի աշխատավարձ: