1 րոպեի ընթերցում
ԵՐԵՎԱՆ, 27 ԴԵԿՏԵՄԲԵՐԻ, ԱՐՄԵՆՊՐԵՍ։ ԱՄՆ-ն առաջիկա մի քանի օրերին կհայտարարի Ուկրաինային օգնության նոր փաթեթի մասին, որը կներառի հակաօդային պաշտպանության (ՀՕՊ) համակարգեր: «Արմենպրես»-ի հաղորդմամբ՝ այդ մասին հայտարարել է Սպիտակ տան ռազմավարական հաղորդակցությունների հարցերով համակարգող Ջոն Քիրբին:
«Վստահ եմ, որ առաջիկա մեկ-երկու օրվա ընթացքում դուք կտեսնեք ԱՄՆ-ի ռազմական օգնության հերթական փաթեթը, որը հավանության է արժանացել նախագահի կողմից։ Այդ փաթեթն, իհարկե, կներառի Ուկրաինայի համար ՀՕՊ համակարգեր»,-ասել է Քիրբին լրագրողների հետ ճեպազրույցի ժամանակ:
Դեկտեմբերի 25-ին Սպիտակ տունը հայտնել էր, որ ԱՄՆ գործող նախագահ Ջո Բայդենը հանձնարարել է Պաշտպանության նախարարությանը շարունակել զենքի ակտիվ մատակարարումներն Ուկրաինային: