1 րոպեի ընթերցում
ԵՐԵՎԱՆ, 9 ՆՈՅԵՄԲԵՐԻ, ԱՐՄԵՆՊՐԵՍ։ Ռուսաստանի հավաքականի կազմում 2014 թվականին գեղարվեստական մարմնամարզության աշխարհի չեմպիոն հռչակված Ալեքսանդրա Սեմենովան պատրաստվում է միջազգային մրցումների մասնակցել Հայաստանի դրոշի ներքո։
«Արմենպրես»-ի փոխանցմամբ՝ այս մասին ՏԱՍՍ գործակալությանը հայտնել է Սեմենովայի մայրը և մարզիչը՝ Վիկտորիա Տեկելը։
Սեմենովան 26 տարեկան է, 2014 թվականին նա Ռուսաստանի հավաքականի կազմում հռչակվել է աշխարհի չեմպիոն։ Մարզուհին Եվրոպայի 2014 թվականի առաջնությանը նաև երկու ոսկե և մեկ արծաթե մեդալ է նվաճել։ 2015 թվականին նա դուրս է մնացել Ռուսաստանի հավաքականի հիմնական կազմից, իսկ վերջին տարիներին մասնակցել է անհատական մրցումների։
«Ալեքսանդրան պատրաստվում է հանդես գալ Հայաստանի դրոշի ներքո։ Նա արդեն հասուն մարզուհի է, և նա, իհարկե, շատ է ցանկանում մասնակցել միջազգային մրցումների»,- պատմել է նրա մայրը։
