398.84
Հայաստանը դեկտեմբերին ցեղասպանությունների կանխարգելման թեմայով ֆորում կանցկացնի․ ԱԳ փոխնախարար
1 րոպեի ընթերցում
ԵՐԵՎԱՆ, 5 ՆՈՅԵՄԲԵՐԻ, ԱՐՄԵՆՊՐԵՍ։ Հայաստանի արտաքին գործերի փոխնախարար Պարույր Հովհաննիսյանը անդրադարձավ ԱԳ նախարար Արարատ Միրզոյանի հայտարարությանը, ըստ որի՝ Հայոց ցեղասպանության միջազգային ճանաչման հարցը Հայաստանի ԱԳՆ-ի օրակարգում առաջնահերթություն չէ։ «Արմենպրես»-ի հաղորդմամբ՝ լրագրողների հետ ճեպազրույցում Հովհաննիսյանը նշեց, որ Հայաստանը շարունակում է մի շարք քայլեր իրականացնել ցեղասպանությունների կանխարգելման ուղղությամբ:
«Դեկտեմբերին Հայաստանը կհյուրընկալի գլոբալ ֆորում, որը բավականին ամբիցիոզ ծրագիր ունի։ Եվ մեր համար ցեղասպանությունների կանխարգելման խնդիրը մնում է կարևոր հարցերից մեկը։ Խոսքն առաջնահերթ լինելու և չլինելու մասին է»,-ասաց Հովհաննիսյանը։
Հայաստանի արտաքին գործերի նախարար Արարատ Միրզոյանն ավելի վաղ հայտարարել էր, որ Հայոց ցեղասպանության միջազգային ճանաչման հարցը Հայաստանի արտաքին գործերի նախարարության օրակարգում առաջնահերթություն չէ։
Բաժանորդագրվեք մեր ալիքին Telegram-ում