1 րոպեի ընթերցում
ԵՐԵՎԱՆ, 4 ՆՈՅԵՄԲԵՐԻ, ԱՐՄԵՆՊՐԵՍ։ Երևանի քաղաքապետ Տիգրան Ավինյանը մանրամասներ ներկայացրեց Երևանի մետրոյի «Աջափնյակ» կայարանի նախագծի ընթացքից։
«Արմենպրես»-ի հաղորդմամբ՝ լրագրողների հետ ճեպազրույցում քաղաքապետն ընդգծեց, որ նման խոշոր ծրագրերի իրականացման և դրանց հետ կապված նախապատրաստական աշխատանքները պահանջում են որոշակի ժամանակ։
«Ամենայն հավանականությամբ, հաջորդ տարվա ընթացքում կունենանք կապալառու ընկերություն, որը կհաղթի մրցույթում»,- ասաց Ավինյանը։
Երևանի քաղաքպետ Տիգրան Ավինյանը 2024 թվականի հունվարին կարծիք էր հայտնել, որ մետրոյի «Աջափնյակ» կայարանը պատրաստ կլինի 2028 թվականին։