1 րոպեի ընթերցում
ԵՐԵՎԱՆ, 27 ՀՈԿՏԵՄԲԵՐԻ, ԱՐՄԵՆՊՐԵՍ: Պաղեստինի նախագահ Մահմուդ Աբասը վճռական է այցելել Գազայի հատված, սակայն այնտեղ շարունակվող մարտերն ու Իսրայելը խոչընդոտում են դրան:
«Արմենպրես»-ի հաղորդմամբ` այս մասին «ՌԻԱ Նովոստի»-ին ասել է Պաղեստինի նախագահի խորհրդական Մահմուդ ալ Հաբաշը։
«Նախագահը նախկինի պես հաստատակամ է այս քայլն իրականացնելու հարցում, չնայած դրան ուղեկցող ռիսկերին, սակայն այդ քայլը կանխվում է բարբարոսական պատերազմ վարող Իսրայելի կողմից՝ Գազայի հատվածի յուրաքանչյուր թիզի վրա»,- ասել է ալ Հաբաշը։
Ավելի վաղ Պաղեստինի նախագահի միջազգային հարաբերությունների գծով խորհրդական Ռիյադ ալ Մալիքին էլ ասել էր, որ Իսրայելը մերժել է նախագահ Աբասի մուտքը Գազայի հատված: