Ղազախստանը ողջունում է խաղաղության պայմանագրի կնքմանը ուղղված Հայաստանի և Ադրբեջանի փոխադարձ քայլերը
1 րոպեի ընթերցում
ԵՐԵՎԱՆ, 8 ՀՈԿՏԵՄԲԵՐԻ, ԱՐՄԵՆՊՐԵՍ։ Ղազախստանը ողջունում է Հայաստանի և Ադրբեջանի փոխադարձ քայլերը ՝ ուղղված խաղաղության պայմանագրի կնքմանը։ «Արմենպրես»-ի հաղորդմամբ՝ ԱՊՀ պետությունների ղեկավարների մասնակցությամբ նիստին այս մասին ասել է Ղազախստանի նախագահ Կասիմ-Ժոմարտ Տոկաևը։
«Այսօրվա հանդիպումը կոչված է նոր լիցք հաղորդել ԱՊՀ աշխատանքին աշխարհաքաղաքական անկայունության և արագորեն փոփոխվող միջազգային իրադրության պայմաններում: Ղազախստանը ողջունում է Ադրբեջանի և Հայաստանի փոխադարձ քայլերը ՝ ուղղված խաղաղության պայմանագրի կնքմանը։ Մենք նաև գոհունակությամբ ենք նշում Կենտրոնական Ասիայի տարածաշրջանում միջպետական սահմանների առանձին հատվածների իրավական ձևակերպման ավարտի էական առաջընթացը»,- նշել է Տոկաևը։