Կոստանյանը հերքեց խաղաղության պայմանագրի նախագծում Հայաստան ադրբեջանցիների վերադարձի մասին կետի առկայության մասին խոսակցությունները
1 րոպեի ընթերցում
ԵՐԵՎԱՆ, 3 ՀՈԿՏԵՄԲԵՐԻ, ԱՐՄԵՆՊՐԵՍ։ ՀՀ արտաքին գործերի նախարարի տեղակալ Վահան Կոստանյանը հերքել է խոսակցությունները Ադրբեջանի հետ խաղաղության պայմանագրի նախագծում ադրբեջանցիների՝ Հայաստան վերադարձի կետի առկայության մասին։
«Արմենպրես»-ի հաղորդմամբ՝ լրագրողների հետ ճեպազրույցում Վահան Կոստանյանը նշեց, որ խաղաղության պայմանագրի նախագծում չկա 300 հազար, այսպես կոչված, փախստական ադրբեջանցիների՝ Հայաստան վերադարձի վերաբերյալ կետ։
«Ես կարծում եմ մենք չպետք է մեր հանրային եթերն օգտագործենք Ադրբեջանի կողմից մտացածին թեզերն առաջ տանելու համար»,-ընդգծեց փոխարտգործնախարարը։