Պաղեստինը հայտնել է, որ Իսրայելի գործողությունների հետևանքով Հորդանան գետի արևմտյան ափին զոհերի թիվը հասել է 685-ի
1 րոպեի ընթերցում
ԵՐԵՎԱՆ, 3 ՍԵՊՏԵՄԲԵՐԻ, ԱՐՄԵՆՊՐԵՍ։ Գազայի հատվածում Իսրայելի բանակի գործողության սկզբից ի վեր՝ Հորդանան գետի արևմտյան ափին իսրայելական ռազմական և ոստիկանական գործողությունների հետևանքով զոհերի թիվը հասել է 685-ի։
«Արմենպրես»-ի փոխանցմամբ՝ նման տվյալներ է ներկայացրել Պաղեստինի առողջապահության նախարարությունը։
Վերջինիս հաղորդմամբ՝ 2023 թվականի հոկտեմբերից մինչ օրս Հորդանան գետի արևմտյան ափի տարբեր շրջաններում վիրավորվել է 5700 պաղեստինցի։ Միայն անցած չորեքշաբթի օրվանից ի վեր, երբ իսրայելական բանակը լայնածավալ արշավանքներ է ձեռնարկել մի քանի քաղաքներում և փախստականների ճամբարներում, այդ հատվածում 33 արաբ է սպանվել և մոտ 130-ը վիրավորվել։
Նշվում է, որ սպանվածների թվում կան մոտ մեկ տասնյակ դեռահասներ և տարեցներ։