1 րոպեի ընթերցում
ԵՐԵՎԱՆ, 3 ՍԵՊՏԵՄԲԵՐԻ, ԱՐՄԵՆՊՐԵՍ։ Երևանի քաղաքապետարանն «Ակտիվ քաղաքացի» հարթակում ներկայացրել է մայրաքաղաքի Կասկադ համալիրի 2 տարբերակ՝ դրանց վերաբերյալ քաղաքացիների կարծիքներն իմանալու համար։
«Երևանի սրտում գտնվող Կասկադ համալիրը քաղաքի մշակութային ու զբոսաշրջային առանցքներից մեկն է։ Այն կարևոր նշանակություն ունի՝ որպես քաղաքի սոցիալական կենտրոն՝ դառնալով հանդիպման, զբոսանքի և միջոցառումների անցկացման վայր։ Սիրելի՛ երևանցիներ, Երևանի քաղաքապետարանին որոշում կայացնելու համար հետաքրքիր է, թե ինչպիսին կցանկանաք տեսնել Կասկադ համալիրը»,-«Արմենպրես»-ի փոխանցմամբ՝ ասված է Երևանի քաղաքապետարանի տարածած հաղորդագրության մեջ։
Քաղաքապետարանը ներկայացրել է երկու տարբերակ, որոնց նկարագրերը կտեսնեք հետևյալ հղմամբ։