388.06
Լարված իրավիճակ ԱԺ շենքի դիմաց․ բախումների հետևանքով ցուցարարների ու ոստիկանների թվում կան տուժածներ
1 րոպեի ընթերցում
ԵՐԵՎԱՆ, 12 ՀՈՒՆԻՍԻ, ԱՐՄԵՆՊՐԵՍ։ Ազգային ժողովի շենքի դիմաց բախում է տեղի ունեցել ցուցարարների ու ոստիկանների միջև: Ոստիկանությունը կիրառել է հատուկ միջոցներ։ Բախումների հետևանքով երկու կողմից էլ կան տուժածներ։
Այս մասին «Արմենպրես»-ին հայտնեց ՆԳՆ մամուլի խոսնակ Նարեկ Սարգսյանը։
«Ազգային ժողովի շենքի դիմաց իրավիճակը կրկին լարված է։ Ոստիկանությունը կիրառել է հատուկ միջոցներ։ Այս պահին ընդհանուր տվյալներով բերման է ենթարկվել բողոքի ակցիայի 70 մասնակից։ Բախումների հետևանքով երկու կողմից էլ կան տուժածներ»,- նշեց ՆԳՆ խոսնակը։
Նա հավելեց՝ տուժածների վիճակի մասին այս պահին հստակ տեղեկություն դեռևս չկա։
