388.4
Շիրակի մարզից մեկնած կամավորները միացել են Ախթալայի կայարանի տարածքում կատարվող մաքրման աշխատանքներին
1 րոպեի ընթերցում
ԳՅՈՒՄՐԻ, 8 ՀՈՒՆԻՍԻ, ԱՐՄԵՆՊՐԵՍ: Հեղեղումներից տուժած բնակավայրերին ցուցաբերվող կամավորական-վերականգնողական աշխատանքների շրջանակում Շիրակի մարզից մեկնած աշխատանքային խմբի կամավորները միացել են Ախթալայի կայարանի տարածքում և մերձակա տներում կատարվող մաքրման աշխատանքներին: Շիրակի մարզից տարված տեխնիկայով կատարվել են ենթակառուցվածքների վերականգնման աշխատանքներ։
Ինչպես «Արմենպրես»-ին տեղեկացրին Շիրակի մարզպետի աշխատակազմից, մարզպետը պատրաստակամություն է հայտնել լիազորությունների շրջանակում աջակցել աղետից տուժած բնակավայրերին:
Ախթալայում ընթանում են ժամանակավոր կամրջի կառուցման աշխատանքներ: Կամուրջը կառուցվում է մետաղական կոնստրուկցիաներով, նախատեսված է մարդատար մեքենաների համար: Կամուրջը կապահովի կապը 6 բնակավայրի հետ:
ԱրմենուհիՄխոյան
Բաժանորդագրվեք մեր ալիքին Telegram-ում
