Սանահին կայարան բնակավայրի հետ հետիոտնային կապը վերականգնվել է
1 րոպեի ընթերցում
![Սանահին կայարան բնակավայրի հետ հետիոտնային կապը վերականգնվել է](http://armenpress.am/resized/480/static/news/b/2024/06/1138869.jpg)
ԵՐԵՎԱՆ, 5 ՀՈՒՆԻՍԻ, ԱՐՄԵՆՊՐԵՍ: Փրկարարական ծառայողների ջանքերով hունիսի 5-ին, ժամը 18:30-ի սահմաններում վերակառուցվել է հետիոտնային կամուրջը, որը հնարավոր է դարձրել Սանահին կայարան բնակավայրի բնակիչների տեղաշարժը և ապահովել է կապը բնակավայրի հետ: «Արմենպրես»-ին այս մասին տեղեկացրին ՀՀ ներքին գործերի նախարարության փրկարար ծառայությունից։
Մայիսի 26-ին տեղացած հորդառատ անձրևների հետևանքով Լոռու և Տավուշի մարզերում հեղեղումներ են եղել, Դեբեդ, Աղստև և Տաշիր գետերը դուրս են եկել իրենց հունից՝ էական վնասներ պատճառելով կարևոր ենթակառուցվածքների, բնակելի տների: Փլուզվել են ճանապարհներ և կամուրջներ: Հեղեղումների հետևանքով զոհվել է չորս մարդ: Կառավարությունն աղետի գոտի է հայտարարել հեղեղումներից տուժած բնակավայրերը: