ԵՐԵՎԱՆ, 1 ՀՈՒՆԻՍԻ, ԱՐՄԵՆՊՐԵՍ: Երեխաների պաշտպանության միջազգային օրը՝ հունիսի 1–ին, Ներքին գործերի նախարարությունն ու ենթակա ծառայությունները մանուկների օրը անմոռանալի են դարձրել:
«Արմենպրես»-ի հաղորդմամբ՝ Ներքին գործերի նախարարությունը տոնական միջոցառումներից տեսանյութ է հրապարակել:
«Սիրելի՛ փոքրիկներ, շնորհավորում ենք պայծառ ու լուսավոր տոնի առթիվ՝ մաղթելով խաղաղ երկինք, անհոգ ու երջանիկ մանկություն:
Ձեր անվտանգությունն ու ապահովությունը մեր պարտականությունն է, որը սիրով ու մեծ հոգատարությամբ ենք անում»,–ասված է հաղորդագրությունում: