Աշտարակ-Թալին ավտոճանապարհին ՃՏՊ–ի հետևանքով վարորդը մահացել է
1 րոպեի ընթերցում
![Աշտարակ-Թալին ավտոճանապարհին ՃՏՊ–ի հետևանքով վարորդը մահացել է](http://armenpress.am/resized/480/static/news/b/2024/06/1138534.jpg)
ԵՐԵՎԱՆ, 1 ՀՈՒՆԻՍԻ, ԱՐՄԵՆՊՐԵՍ: Արագածոտնի մարզային փրկարարական վարչության ճգնաժամային կառավարման կենտրոնը հունիսի 1-ին, ժամը 06:18-ին ահազանգ է ստացել, որ Արուճ գյուղում տեղի է ունեցել ՃՏՊ. կա արգելափակված քաղաքացի:
«Արմենպրես»-ի փոխանցմամբ՝ ՆԳՆ փրկարար ծառայությունից հայտնում են, որդեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ Աշտարակ-Թալին ավտոճանապարհի 28-րդ կմ-ին «Volvo» մակնիշի բեռնատար ավտոմեքենան (վարորդ՝ Դ. Տ., ծնված 1981 թ․) դուրս է եկել ճանապարհի երթևեկելի հատվածից (մոտ 3 մետր), գլխիվայր շրջվել և հայտնվել Հյուսիս-հարավ ավտոճանապարհին․ վարորդը տեղում մահացել է։
Փրկարարները սահմանազատել են տարածքը, դուրս բերել քաղաքացու դին և մոտեցրել շտապօգնության ավտոմեքենային։