1 րոպեի ընթերցում
ԵՐԵՎԱՆ, 27 ՄԱՅԻՍԻ, ԱՐՄԵՆՊՐԵՍ։ Լոռիում և Տավուշում հեղեղումների հետևանքով կա 4 զոհ։ «Արմենպրես»-ի հաղորդմամբ՝ լրագրողների հետ ճեպազրույցում այս մասին ասաց Տարածքային կառավարման և ենթակառուցվածքների նախարար Գնել Սանոսյանը։
«Քիչ առաջ նաև հայտնաբերվել է անհետ կորած անձանցից մեկի դին։ Կարող ենք ասել, որ ունենք չորս զոհ այս աղետի հետևանքով»,- ասաց Սանոսյանը։
Մայիսի 26-ինհորդառատ անձրևների և Դեբեդ, Աղստև, Տաշիր գետերի վարարման հետևանքով Լոռու և Տավուշի մարզերում հեղեղումներ են առաջացել։ Հեղեղումների հետևանքով ջրալցվել են տներ, շենք-շինություններ, քանդվել ճանապարհներ։