Հասարակական

Սանոսյանը մանրամասներ է ներկայացրել հեղեղումների գոտում վնասների, խնդիրների և իրականացվող  աշխատանքների վերաբերյալ

3 րոպեի ընթերցում

Սանոսյանը մանրամասներ է ներկայացրել հեղեղումների գոտում վնասների, խնդիրների և իրականացվող  աշխատանքների վերաբերյալ

ԵՐԵՎԱՆ, 26 ՄԱՅԻՍԻ, ԱՐՄԵՆՊՐԵՍ: Հեղեղումների հետևանքով Ալավերդուց դեպի Այրում և Բագրատաշեն տանող ճանապարհը բազմաթիվ հատվածներում վնասվել կամ գրեթե ամբողջովին քանդվել է:

«Արմենպրես»-ի հաղորդմամբ՝ այս մասին Ալավերդիում լրագրողների հետ կայացած զրույցի ընթացքում տեղեկացրեց ՀՀ տարածքային կառավարման և ենթակառուցվածքների նախարար Գնել Սանոսյանը՝ անդրադառնալով Լոռու և Տավուշի մարզերում հեղեղումների հետևանքով ստեղծված իրավիճակին, խնդիրների լուծման ուղղությամբ իրականացվող աշխատանքներին ու անելիքներին:

«Մենք գետի աջ և ձախ ափերին ունենք բնակավայրեր, որոնց հետ կապի որոշակի խնդիրներ կան: Եվ հիմա մարդիկ աշխատում են, տեխնիկաները կմոտեցնենք, որոշակի դաշտային կամ լեռնային ճանապարհներ կան, որոնք կփորձենք մի քիչ կարգավորել և անցանելիությունն ապահովել»,- ներկայացրեց Սանոսյանը:

Նրա խոսքով՝ այս պահին խնդիրներ են առկա Ալավերդու «Սանահին կայարան» կոչվող թաղամասում, որը գտնվում է Դեբեդ գետի մյուս ափին և կտրված է բուն քաղաքից:

«Փրկարար ծառայության գործընկերները կարողացան պարանների միջոցով կապ հաստատել և սնունդ ու այլ անրաժեշտ պարագաներ տեղափոխել: Այնտեղ հիմա աշխատում են, գնահատում են մարդկանց վիճակը, եթե կարիք լինի, իրենց հնարավոր է սարքավորումների կամ պարանների միջոցով տեղափոխել այս ափ»,- մանրամասնեց նախարարը:

Նա հավաստիացրեց, որ մասնագետները դիտարկել են ՀԷԿ-ի պատվարի հատվածը և կարծիք հայտնել, որ այնտեղ այս պահին չկան խնդիրներ, որոնք կառավարելի չեն:

Ըստ Սանոսյանի՝ գետի ներկա մակարդակը թույլ չի տալիս շատ աշխատանքներ իրականացնել և ջրի մակարդակի իջնելու դեպքում որոշ հատվածներում հնարավոր կլինի տարբեր շինարարական տեխնիկաներ գործարկել:

Այդուհանդերձ՝ տեղում աշխատանքները տարբեր գերատեսչությունների ներգրավմամբ շարունակվում են:

Սանոսյանի տեղեկատվությամբ՝ Հայաստանի էլեկտրական ցանցերի աշխատակիցների մասնակցությամբ էլեկտրամատակարարումը որոշ տեղերում հնարավոր է եղել վերականգնել: Նույնը վերաբերում է նաև գազամատակարարմանը:

ՏԿԵ նախարարն ընդգծեց, որ յուրաքանչյուր մարմին գնահատել է խնդիրները, և ներկայում աշխատանքներ են տարվում վերականգնման ուղղությամբ:

ՀՀ ՆԳՆ փրկարար ծառայությունը մանրամասներ է հայտնել Աղվերանի հյուրանոցներից մեկի անցակետում տեղի ունեցած պայթյունի վերաբերյալ

Հասարակական

ՀՀ ՆԳՆ փրկարար ծառայությունը մանրամասներ է հայտնել Աղվերանի հյուրանոցներից մեկի անցակետում տեղի ունեցած պայթյունի վերաբերյալ

Աղվերանի հյուրանոցներից մեկի պահակակետում պայթյունի հետևանքով մեկ անձ տեղափոխվել է հիվանդանոց

Հասարակական

Աղվերանի հյուրանոցներից մեկի պահակակետում պայթյունի հետևանքով մեկ անձ տեղափոխվել է հիվանդանոց

ENNHRI-ը հայտարարություն է տարածել ՀՀ ՄԻՊ-ի նկատմամբ քաղաքական գործիչների կողմից սպառնալիքների և հարձակումների առնչությամբ

Հասարակական

ENNHRI-ը հայտարարություն է տարածել ՀՀ ՄԻՊ-ի նկատմամբ քաղաքական գործիչների կողմից սպառնալիքների և հարձակումների առնչությամբ

ՀՀ Ազգային ժողովի նախագահի մամուլի քարտուղար Նելլի Ղուլյանը դադարեցնում է աշխատանքն այդ պաշտոնում

Հասարակական

ՀՀ Ազգային ժողովի նախագահի մամուլի քարտուղար Նելլի Ղուլյանը դադարեցնում է աշխատանքն այդ պաշտոնում

Նախաքննությամբ պարզվում են 4 մարդու կյանք խլած ավտովթարին հանգեցրած գործոնները. ՀՀ քննչական կոմիտե

Հասարակական

Նախաքննությամբ պարզվում են 4 մարդու կյանք խլած ավտովթարին հանգեցրած գործոնները. ՀՀ քննչական կոմիտե

Արմավիրի մարզի Ծաղկալանջ գյուղում ավտոմեքենա է այրվել

Հասարակական

Արմավիրի մարզի Ծաղկալանջ գյուղում ավտոմեքենա է այրվել

Վայոց ձորի մարզի Գետափ-Մարտունի ավտոճանապարհին հողաշերտի փլվածքը մաքրվել է, ճանապարհը երկկողմանի երթևեկելի է

Հասարակական

Վայոց ձորի մարզի Գետափ-Մարտունի ավտոճանապարհին հողաշերտի փլվածքը մաքրվել է, ճանապարհը երկկողմանի երթևեկելի է

«Հայկական Ավիաուղիներ»-ը կթռչեն Ուֆա

Հասարակական

«Հայկական Ավիաուղիներ»-ը կթռչեն Ուֆա

ՃՏՊ Գորիս-Խնձորեսկ ավտոճանապարհին. կան տուժածներ և զոհ

Հասարակական

ՃՏՊ Գորիս-Խնձորեսկ ավտոճանապարհին. կան տուժածներ և զոհ

Բաղրամյան պողոտայում տեղի ունեցած իրադարձությունների հետևանքով բուժօգնության է դիմել 79 քաղաքացիական անձ և ոստիկան

Հասարակական

Բաղրամյան պողոտայում տեղի ունեցած իրադարձությունների հետևանքով բուժօգնության է դիմել 79 քաղաքացիական անձ և ոստիկան

Եթե պարզվի, որ օրենքից դուրս որևէ բան է եղել, կտրվի համապատասխան արձագանք. Փաշինյանը՝ ոստիկանների գործողությունների մասին

Հասարակական

Եթե պարզվի, որ օրենքից դուրս որևէ բան է եղել, կտրվի համապատասխան արձագանք. Փաշինյանը՝ ոստիկանների գործողությունների մասին

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում