388.33
ՆԳՆ ոստիկանությունը հորդորում է հավաքի մասնակիցներին խստորեն պահպանել հասարակական կարգը
1 րոպեի ընթերցում
ԵՐԵՎԱՆ, 26 ՄԱՅԻՍԻ, ԱՐՄԵՆՊՐԵՍ։ ՆԳՆ ոստիկանությունը հորդորում է մայիսի 26-ին նախատեսված հավաքի մասնակիցներին խստորեն պահպանել հասարակական կարգը
«ՆԳՆ ոստիկանությունը հետևողականորեն շարունակում և շարունակելու է իրականացնել օրենքով իրեն վերապահված գործառույթները՝ ապահովելով հասարակական կարգը և քաղաքացիների անվտանգությունը:
Այսօր կայանալիք հավաքի մասնակիցներին և կազմակերպիչներին հորդորում ենք զերծ մնալ հասարակական կարգի խախտմանն ուղղված գործողություններից, հարգել համաքաղաքացիների իրավունքները և ենթարկվել հասարակական կարգի պահպանություն իրականացնող ոստիկանության ծառայողների օրինական պահանջներին:
Հայաստանի Հանրապետությունը իրավական երկիր է, և հակաօրինական ցանկացած դրսևորում կարժանանա համապատասխան քրեաիրավական գնահատականի», - «Արմենպես»-ի փոխանցմամբ՝ ասված է ՆԳՆ ոստիկանության տարածած հաղորդագրության մեջ։
