1 րոպեի ընթերցում
ԵՐԵՎԱՆ, 26 ՄԱՅԻՍԻ, ԱՐՄԵՆՊՐԵՍ: Լոռու և Տավուշի մարզերում գետերի վարարելու հետևանքով ստեղծված իրավիճակով պայմանավորված՝ ՀՀ ներքին գործերի նախարարությունը Թեժ գիծ է հայտարարել Փրկարար ծառայության 911 հեռախոսահամարը:
«Արմենպրես»- ի հաղորդմամբ՝ այս մասին հայտնում են Ներքին գործերի նախարարությունից:
«Տեղատարափ անձրևից Լոռու և Տավուշի մարզերում Դեբեդ, Աղստև, Տաշիր գետերի վարարման հետևանքով առաջացած դեպքերի, պատահարների վերաբերյալ տեղեկատվություն ստանալու նպատակով Ներքին գործերի նախարարությունը 911 հեռախոսահամարը հայտարարում է Թեժ գիծ»,-նշված է գերատեսչության հաղորդագրության մեջ:
Հորդառատ անձրևներիից Լոռու և Տավուշի մարզերում, Երևանում, ինչպես նաև Դեբեդ, Աղստև, Տաշիր գետերի վարարման հետևանքով հեղեղումների առաջացրած արտակարգ իրավիճակի կառավարման նպատակով վարչապետ Նիկոլ Փաշինյանի որոշմամբ ձևավորվել է օպերատիվ շտաբ՝ ՀՀ տարածքային կառավարման և ենթակառուցվածքների նախարար Գնել Սանոսյանի գլխավորությամբ:
Հեղեղումների մասին վերջին տեղեկատվությունն՝ այստեղ։