«Վերջին զանգի» միջոցառումներով պայմանավորված ուժեղացված ծառայության արդյունքով ժամը 12:00-ի դրությամբ պահպանվող տարածքներ է տեղափոխվել 33 ավտոմեքենա
1 րոպեի ընթերցում
![«Վերջին զանգի» միջոցառումներով պայմանավորված ուժեղացված ծառայության արդյունքով ժամը 12:00-ի դրությամբ պահպանվող տարածքներ է տեղափոխվել 33 ավտոմեքենա](http://armenpress.am/resized/480/static/news/b/2024/05/1137856.jpg)
ԵՐԵՎԱՆ, 24 ՄԱՅԻՍԻ, ԱՐՄԵՆՊՐԵՍ: «Վերջին զանգի» միջոցառումների անվտանգության ապահովման նպատակով կազմակերպված ուժեղացված ծառայության արդյունքում, ժամը 12.00-ի դրությամբ, ՆԳՆ ոստիկանության պահպանվող հատուկ տարածքներ է տեղափոխվել 33 տրանսպորտային միջոց, որոնց ղեկին եղել են անչափահասներ:
«Արմենպրես»-ի փոխանցմամբ՝ այս մասին հայտնում են Ոստիկանությունից՝ նշելով, որ ժամը 12.00-ի դրությամբ անչափահասների մասնակցությամբ ճանապարհատրանսպորտային պատահար և միջադեպեր չեն արձանագրվել։
Ավելի վաղ Ոստիկանությունից հայտնել էին, որ ժամը 11:00-ի դրությամբ, ՆԳՆ ոստիկանության պահպանվող հատուկ տարածքներ են տեղափոխվել 12 տրանսպորտային միջոց: