Հասարակական

Դավիթ Խաչատուրյանն ընտրվեց Սահմանադրական դատարանի դատավոր

2 րոպեի ընթերցում

Դավիթ Խաչատուրյանն ընտրվեց Սահմանադրական դատարանի դատավոր

ԵՐԵՎԱՆ, 21 ՄԱՅԻՍԻ, ԱՐՄԵՆՊՐԵՍ։ Հայաստանի Ազգային ժողովը մայիսի 22-ի նիստում քվեարկությամբ Սահմանադրական դատարանի դատավոր ընտրեց Դավիթ Խաչատուրյանին։

«Արմենպրես»-ի հաղորդմամբ՝ Սահմանադրական դատարանի դատավորի գաղտնի քվեարկության արդյունքները ներկայացրեց Հաշվիչ հանձնախմբի քարտուղար Քրիստինե Պողոսյանը։

Նրա խոսքով՝ Սահմանադրական դատարանի դատավորի թեկնածուի ընտրությանը 105 պատգամավորից մասնակցել է 70-ը, որոնք միաձայն քվեարկել են միակ թեկնածու Դավիթ Խաչատուրյանի օգտին։

Ավելի վաղ՝ Սահմանադրության 166-րդ հոդվածի 1-ին մասի համաձայն՝ ՀՀ դատավորների ընդհանուր ժողովի կողմից Սահմանադրական դատարանի դատավորի թափուր տեղում ընտրվելու համար Ազգային ժողովին առաջարկվել էր Դավիթ Խաչատուրյանի թեկնածությունը։

Վճռաբեկ դատարանի նախագահ Լիլիթ Թադևոսյանը հայտնել էր, որ ընթացիկ տարվա մարտի 29-ին ՀՀ դատավորների ընդհանուր ժողովում Սահմանադրական դատարանի դատավորի թեկնածու էին ինքնաառաջադրվել Վճռաբեկ դատարանի քրեական պալատի դատավոր Դավիթ Խաչատուրյանը և Վերաքննիչ քրեական դատարանի դատավոր Արսեն Նիկողոսյանը։

Ընդհանուր ժողովում, որին մասնակցել է այդ պահին ՀՀ-ում գործող 311 դատավորներից 217-ը, գաղտնի քվեարկությամբ Դավիթ Խաչատուրյանի թեկնածությանը կողմ է քվեարկել 131 դատավոր, Արսեն Նիկողոսյանի թեկնածությանը՝ 126։

AREMNPRESS

Հայաստան, Երևան, 0002, Մարտիրոս Սարյան 22

+374 11 539818

contact@armenpress.am

fbtelegramyoutubexinstagramtiktokspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում