Վարչապետը կարևորել է սահմանազատման գործընթացի գործնական փուլ մտնելն,այդ թվում՝ անվտանգային ռիսկերը նվազեցնելու առումով
1 րոպեի ընթերցում
ԵՐԵՎԱՆ, 22 ԱՊՐԻԼԻ, ԱՐՄԵՆՊՐԵՍ: Հիմա սահմանազատման գործընթացի գործնական փուլ ենք մտել, որը չափազանց կարևոր է, այդ թվում՝ անվտանգային ռիսկերը նվազեցնելու տեսակետից։
«Արմենպրես»-ի հաղորդմամբ՝ այս մասին ասել է Հայաստանի Հանրապետության վարչապետ Նիկոլ Փաշինյանը բրիտանական մի շարք լրատվամիջոցների տված հարցազրույցում։
«Մենք ընդամենը պետք է գետնի վրա վերարտադրենք այն սահմանները, որոնք գոյություն են ունեցել Խորհրդային միության փլուզման պահին և ունեցել են Խորհրդային միության սահմաններում դե յուրե իրավական հիմք», - նշել է վարչապետը՝ հավելելով, որ Հայաստանի և Ադրբեջանի միջև նոր սահման գծելու կարիք չկա։