ՄԹ պաշտպանական գծով կցորդի տեղակալը ԵՄ դիտորդների հետ այցելել է Խաչիկ համայնք

ԵՐԵՎԱՆ, 22 ԱՊՐԻԼԻ, ԱՐՄԵՆՊՐԵՍ: Հայաստանում Եվրոպական միության դիտորդական առաքելությունը հյուրընկալել է Միացյալ Թագավորության պաշտպանական գծով կցորդի տեղակալ Ջո Ռոյին և այցելություն կատարել Խաչիկ համայնք։

«Արմենպրես»-ի հաղորդմամբ՝ այս մասին նշվում է դիտորդական առաքելության X-ի գրառման մեջ։

Happy to host the UK Deputy Defence Attaché, Ms. Jo Roe in the Mission HQ today.Head of Mission briefed the delegation on EUMA's mandate and activities. The guests also joined a patrol in Khachik. Thank you for your visit! pic.twitter.com/7XXlYgG2e3

— European Union Mission in Armenia (@EUmARMENIA) April 22, 2024

«Ուրախ ենք առաքելության շտաբում այսօր հյուրընկալել Միացյալ Թագավորության պաշտպանական գծով կցորդի տեղակալ՝ տիկին Ջո Ռոյին։ Շնորհակալություն այցի համար»,- նշում է առաքելությունն իր գրառման մեջ՝ հավելելով, որ ԵՄ առաքելության ղեկավար Մարկուս Ռիտերը պատվիրակությանը ներկայացրել է իրենց մանդատը և գործունեությունը։

Հյուրերը նաև միացել են պարեկությանը Խաչիկ համայնքում։